Friday, March 29, 2024
HomeForsíðaAlan Procter ætlar að bjóða sig fram til forseta eftir að hann...

Alan Procter ætlar að bjóða sig fram til forseta eftir að hann sendir Bjarka Thor í draumalandið

Bjarki Thor Pálsson mætir Alan Procter í annað sinn nú á laugardaginn. Enginn sérstakur vinskapur er á milli þeirra en nú hefur Procter lofað því að senda alla Íslendinga í útlegð til Grænlands eftir að hann verður kjörinn forseti Íslands.

Bardagi þeirra er endurat en fyrri viðureign þeirra endaði með umdeildum hætti. Í 3. lotu skaut Bjarki Thor í fellu en fékk hnéspark í andlitið á sama tíma. Bjarki var á hnjánum þegar hann fékk hnéð í andlitið en ólöglegt er að sparka eða hnjáa í höfuð andstæðings sem telst vera á gólfinu (nóg að vera með annað hnéð). Eftir að dómarinn hafði séð myndband af atvikinu var Procter dæmdur úr leik og Bjarki úrskurðaður sigurvegari.

Nú mætast þeir aftur og er Procter byrjaður með smá skítkast á samfélagsmiðlum. Procter póstaði þessari mynd á vegginn hjá Bjarka Thor á Facebook.

Við myndina skrifar Procter: „Ég hef ákveðið að bjóða mig fram til forseta Íslands eftir að ég sendi Palsson í draumalandið á laugardaginn. Ég á marga hatursmenn (e. haters) frá landinu þínu og þegar ég verð kosinn forseti mun ég senda ykkur öll í útlegð til Grænlands.“

Því miður fyrir Procter fara næstu forsetakosningar ekki fram fyrr en árið 2020. Bardaginn hjá Procter og Bjarka fer hins vegar fram á laugardaginn en hægt verður að kaupa streymi á bardagann (auglýst nánar síðar).

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular