Friday, March 29, 2024
HomeErlentBellator: Rory MacDonald með sigur og Paul Daley réðst að Michael Page

Bellator: Rory MacDonald með sigur og Paul Daley réðst að Michael Page

Bellator 179 fór fram í gærkvöldi í London. Rory MacDonald sigraði Paul Daley með hengingu í 2. lotu og leit vel út í frumraun sinni í Bellator.

Þetta var fyrsti bardagi MacDonald síðan hann tapaði fyrir Stephen Thompson í júní í fyrra. MacDonald hafði ekki unnið bardaga í 31 mánuð og var sigurinn í gær því afar kærkominn fyrir hann. MacDonald fær titilbardaga næst og mætir sigurvegaranum úr viðureign meistarans Douglas Lima gegn Lorenz Larkin.

Paul Daley hefur aldrei verið þekktur sem rólyndismaður og hraunaði hann yfir Bretann Michael ‘Venom’ Page í viðtalinu eftir bardagann. Á leið sinni úr búrinu réðst hann að Page en öryggisgæslan var fljót að grípa inn í.

Fyrrum léttþungavigtarmeistari Bellator, Liam McGeary, tapaði nokkuð óvænt fyrir Linton Vassel eftir hengingu í 3. lotu. Þá vann sonur Kimbo Slice, Kevin Ferguson Junior eða Baby Slice, sinn fyrsta atvinnubardaga.

Í einum af upphitunarbardögum kvöldsins sáum við mögnuð tilþrif. Fabian Edwards náði þessu svakalega rothöggi í 1. lotu en þetta var hans fyrsti atvinnubardagi. Fabian Edwards vann Hrólf Ólafsson á Shinobi War 7 bardagakvöldinu í maí í fyrra með tæknilegu rothöggi eftir hnéspark í 3. lotu. Fabian er yngri bróðir Leon Edwards sem berst í veltivigt UFC og á framtíðina fyrir sér.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular