Annar af Íslendingunum til að keppa á Headhunters bardagakvöldinu í Skotlandi var Bjarki Eyþórsson. Bjarki var ekki lengi að afgreiða þetta og kláraði með hengingu í 1. lotu.
Þetta var fyrsti MMA bardagi Bjarka og gat bardaginn varla farið betur. Bjarki mætti Stu George í léttvigt en heimamaðurinn byrjaði bardagann á þungu lágsparki. Skömmu síðar reyndi George aftur lágspark en í þetta sinn greip Bjarki sparkið og keyrði með hann niður. George reyndi að standa upp og stökk Bjarki á bakið á honum.
George stóð upp en Bjarki hékk á bakinu á honum eins og bakpoki. Bjarki var þolinmóður og reyndi að finna opnanir fyrir „rear naked choke“ henginguna. Það tókst að lokum og neyddist George til að tappa út eftir 2:20 í 1. lotu.
Sjá einnig – Bjarki Eyþórsson: Líður eins og ég hafi oft gert þetta áður
Frábær byrjun hjá Bjarka en hann er fjórði Bjarkinn sem berst í MMA. Bardagann má sjá hér að neðan.
