Enn einn Bjarkinn mun berjast sinn fyrsta MMA bardaga á Shinobi 10 í febrúar. Þar með eru þrír Íslendingar komnir á bardagakvöldið.
Bjarki Pétursson, eða Big Red eins og hann er kallaður, mætir Joey Dakin en sá er líka að keppa sinn fyrsta MMA bardaga. Bardaginn fer fram í millivigt en um áhugamannabardaga er að ræða.
Bjarki Pétursson verður ekki eini Bjarkinn á bardagakvöldinu því Bjarki Ómarsson mun verja fjaðurvigtartitil sinn sama kvöld. Þá mun Birgir Örn Tómasson berjast sinn fyrsta atvinnubardaga um kvöldið.
Bardagakvöldið fer fram þann 25. febrúar í Olympia höllinni í Liverpool.
