Bjarki Þór Pálsson er kominn með sinn næsta bardaga. Bjarki Þór berst á FightStar Championship 8 bardagakvöldinu þann 10. desember.
Þetta verður annar atvinnubardagi Bjarka Þórs eftir farsælan feril sem áhugamaður. Fyrsti atvinnubardagi Bjarka fór fram í sumar þar sem hann vann andstæðinginn sinn á aðeins 23 sekúndum.
Bjarki mætir Englendingi að nafni Alan Proctor en þetta verður fyrsti atvinnubardagi hans eftir sex áhugamannabardaga (fjórir sigrar, tvö töp). Bardaginn fer fram í veltivigt en Bjarki hefur bæði barist í léttvigt og veltivigt.
Bardaginn fer fram í London í FightStar bardagasamtökunum eftir tæpar tvær vikur. Bjarki hélt til Írlands í morgun þar sem hann mun dvelja við æfingar hjá SBG í Dublin fram að bardaga.
