0

Björn Þorleifur með tæknilegt rothögg snemma í 1. lotu

Björn Þorleifur Þorleifsson var ekki lengi með andstæðing sinn á FightStar kvöldinu rétt í þessu. Björn kláraði bardagann með tæknilegu rothöggi snemma í 1. lotu.

Þetta var þriðji MMA bardagi Björns en á tímabili leit út fyrir að hann fengi ekki bardaga. Upprunalegi andstæðingur hans hætti við og virtist sem Björn hefði farið í fýluferð til London. Sem betur fer fannst andstæðingur í gær og kom Nazir Saddique inn seint í gærkvöldi.

Björn hefur mikla reynslu úr taekwondo og sást það strax. Björn byrjaði á snúningssparki í skrokk Saddique sem hann fann vel fyrir. Björn tók svo annað spark sem Saddique náði að grípa en hélt ekki fætinum lengi. Björn tók svo glæsilegt snúningsspark skömmu seinna. Fjórða sparkið var svo glæsilegt axarspark og féll Saddique niður fyrir vikið. Björn fylgdi sparkinu eftir með nokkrum höggum áður en dómarinn stöðvaði bardagann.

Frábær sigur hjá Birni en Björn ætlar að taka atvinnubardaga næst.

Framundan eru fjórir bardagar í viðbót hjá Íslendingunum og hvetjum við áhorfendur til að fylgjast með hér.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply