Cathal Pendred hættur

Írinn Cathal Pendred hefur lagt hanskana á hilluna. Þessi 28 ára bardagamaður tilkynnti þetta á Facebook síðu sinni í dag.

Cathal Pendred hefur margoft komið hingað til lands við æfingar en hann æfir hjá John Kavanagh í Írlandi. Pendred hefur verið æfingafélagi Gunnars Nelson og Conor McGregor og barðist sex bardaga í UFC.

Pendred sigraði fjóra bardaga og tapaði tveimur í UFC og hlaut oft mikla gagnrýni frá bardagaaðdáendum fyrir stíl sinn.

Í tilkynningu hans á Facebook segir hann að ástríðan hans fyrir MMA sé minni og hafi hann ekki lengur áhuga á að keppa. Tilkynningu hans má lesa í heild sinni hér að neðan.