Cody Garbrandt birti í gærkvöldi gamalt myndband af sér að æfa með T.J. Dillashaw. Í myndbandinu má sjá Garbrandt kýla Dillashaw niður.
Þeir Cody Garbrandt og T.J. Dillashaw mætast á UFC 217 á morgun í næstsíðasta bardaga kvöldsins. Þetta verður fyrsta titilvörn Garbrandt en hann tók titilinn af Dominick Cruz í fyrra.
Þeir Garbrandt og Dillashaw eru fyrrum liðsfélagar og æfðu reglulega saman. Garbrandt hefur margoft haldið því fram að hann hafi farið leikandi létt með Dillashaw á æfingum. Þá hefur hann einnig sagt að hann hafi rotað Dillashaw á æfingu og að myndband af rothögginu sé til.
Eftir nokkur vandræðaleg ummæli á blaðamannafundinum í gær hefur Garbrandt birt stutt myndbrot af æfingu.
Myndbrotið er aðeins sex sekúndur og erfitt að vita hvað gerðist eftir höggið. Garbrandt heldur því hins vegar fram að Dillashaw hafi átt erfitt með að labba eftir höggið.
Lmao he couldn’t even walk after that strike hit him ?? I would of pounded his skull in.
— Cody Garbrandt (@Cody_Nolove) November 2, 2017
