Til stóð að Conor McGregor myndi fá hlutverk í kvikmyndinni xXx: The Return of Xander Cage. Hann hefur þó ákveðið að hætta við hlutverk sitt í myndinni.
Myndin er sú þriðja í xXx seríunni og mun Vin Diesel leika aðalhlutverkið í myndinni líkt og í þeirri fyrstu. Ekki er vitað hversu veigamikið hlutverk McGregor átti að fá en hann hefur þó aldrei verið spenntur fyrir Hollywood. Hann er hins vegar spenntur fyrir peningum.
Nú hefur hann hætt við hlutverkið þar sem hann vill enga truflun fyrir sinn næsta bardaga á UFC 200. Það er nánast öruggt að McGregor muni mæta Nate Diaz í annað sinn á UFC 200 í júlí. McGregor tapaði fyrir Diaz fyrr í mánuðinum og ætlar greinilega að gera allt sem hann getur til að koma í veg fyrir annað tap.
As I mentioned on @SportsCenter, I’m told McGregor has canceled his planned appearance in Vin Diesel’s XXX film. Doesn’t want distraction.
— Brett Okamoto (@bokamotoESPN) March 19, 2016
