0

Cyborg fær nýjan andstæðing á UFC 214 – Megan Anderson út, Tonya Evinger inn

Cyborg Tonya Evingar

Cris ‘Cyborg’ Justino hefur fengið nýjan andstæðing. Cyborg átti að mæta Megan Anderson á UFC 214 en fær þess í stað Tonya Evinger.

Það stendur enn til að berjast um fjaðurvigtarbelti kvenna en bardaginn verður næstsíðasti bardaginn á UFC 214 þann 29. júlí. Megan Anderson er ríkjandi fjaðurvigtarmeistari Invicta og hefði þetta orðið fyrsti bardagi hennar í UFC. Hún hefur því miður þurft að draga sig úr bardaganum af persónulegum ástæðum en ESPN greinir frá þessu.

Tonya Evinger er ríkjandi bantamvigtarmeistari Invicta og skrautlegur karakter. Cyborg mætir þar af leiðandi bantamvigtarmeistaranum í stað þess að mæta fjaðurvigtarmeistara Invicta. Bardaginn mun engu að síður fara fram í fjaðurvigtinni.

Germaine de Randamie var fyrsti fjaðurvigtarmeistari UFC eftir sigur á Holly Holm í febrúar. Hún var hins vegar svipt titlinum eftir að hún neitaði að berjast við Cyborg. Cyborg er af mörgum talin besta bardagakona heims og verður þetta fyrsti bardagi hennar í UFC í hennar rétta þyngdarflokki.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply