Dagskráin fyrir heimstúr Conor McGregor og Floyd Mayweather er klár. Túrinn hefst í næstu viku og verða fjórir blaðamannafundir á fjórum dögum.
Kynningartúrinn hefst á þriðjudaginn 11. júlí í Staples Center í Los Angeles. Daginn eftir fara þeir til Toronto í Kanada og halda annan blaðamannafund í Sony Centre. Á fimmtudeginum fer svo þriðji blaðamannafundurinn fram í Barclays Center í New York.
Þriggja landa heimstúrnum lýkur svo með blaðamannafundi í SSE Arena í London fimmtudaginn 14. júlí. Miðasala á viðburðina í Los Angeles og New York er hafin en ekki fyrir London og Toronto.
Showtime sendi einnig frá sér fyrstu stikluna fyrir bardagann þegar túrinn var tilkynntur. Boxbardagi Floyd Mayweather og Conor McGregor fer fram þann 26. ágúst í Las Vegas.
