Friday, March 29, 2024
HomeErlentDana White staðfestir bardaga Chris Weidman og Yoel Romero

Dana White staðfestir bardaga Chris Weidman og Yoel Romero

chris weidman
Mynd: Kjartan Páll Sæmundsson.

UFC 205 er gjöf sem heldur áfram að gefa. Í morgun var það staðfest að Chris Weidman og Yoel Romero muni berjast á UFC 205 í New York.

12 bardagar hafa nú verið staðfestir á þetta risa bardagakvöld í New York í nóvember. Seint í gærkvöldi staðfesti Dana White að Conor McGregor og Eddie Alvarez munu berjast í aðalbardaga kvöldsins. Í morgun bætti Dana White svo enn einum bardaganum við þegar hann tilkynnti að Yoel Romero og Chris Weidman munu mætast á UFC 205.

Bardagi Romero og Weidman hefur verið lengi í smíðum en sá bandaríski var sagður hafa viljað fá meira greitt en honum var upphaflega boðið fyrir bardagann. Hann virðist hafa náð sínu fram og verður bardaginn að öllum líkindum á aðalhluta bardagakvöldsins.

Chris Weidman er New York maður í húð og hár og átti sinn þátt í því að fá MMA lögleitt í heimaríkinu sínu. Weidman er auðvitað fyrrum millivigtarmeistarinn en hann hefur ekkert barist síðan hann tapaði beltinu til Luke Rockhold í desember.

Yoel Romero hefur heldur ekkert barist síðan í desember en þá sigraði hann Ronaldo ‘Jacare’ Souza. Romero féll á lyfjaprófi en hélt því fram að ólöglegu efnin hefðu fundist í fæðubótarefni og fékk því aðeins sex mánaða bann.

UFC 205 er sennilega fullskipað en svo gæti farið að Khabib Nurmagomedov og Michael Johnson bætist við. Bardagakvöldið fer fram í Madison Square Garden þann 12. nóvember og lítur svona út (bardagarnir þurfa ekki endilega að vera í þessari röð).

Aðalhluti bardagakvöldsins:

Titilbardagi í léttvigt: Eddie Alvarez gegn Conor McGregor 
Titilbardagi í veltivigt:
 Tyron Woodley gegn Stephen Thompson
Titilbardagi í strávigt kvenna: Joanna Jedrzejczyk gegn Karolina Kowalkiewcz
Veltivigt: Kelvin Gastelum gegn Donald Cerrone
Millivigt: Chris Weidman gegn Yoel Romero

Upphitunarbardagar:

Fjaðurvigt: Frankie Edgar gegn Jeremy Stephens
Bantamvigt kvenna: Miesha Tate gegn Raquel Pennington
Millivigt: Tim Kennedy gegn Rashad Evans
Veltivigt: Lyman Good gegn Belal Muhammad
Léttvigt: Jim Miller gegn Thiago Alves
Millivigt: Rafael Natal gegn Tim Boetsch
Bantamvigt kvenna: Liz Carmouche gegn Katlyn Chookagian

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular