Daniel Cormier er aftur orðinn léttþungavigtarmeistari UFC. Þetta sagði hann í UFC Tonight í gærkvöldi.
Jon Jones sigraði Daniel Cormier á UFC 214 í júlí fyrr í sumar og tók þar með titilinn af Cormier. Bardaginn var hins vegar úrskurðaður ógildur í gær eftir að B-sýni Jon Jones reyndist einnig innihalda stera rétt eins og A-sýnið.
Þar sem bardaginn var dæmdur ógildur var Daniel Cormier aftur gerður að léttþungavigtarmeistara UFC.
„Ef bardaginn var dæmdur ógildur er eins og þetta hafi ekki gerst. Ef hann svindlaði hefði hann ekki átt að berjast og hann svindlaði og vann samt bardagann. Enn á ný er ég orðinn UFC meistari,“ sagði Cormier í gær.
