0

Derrick Lewis ætlar ekki að hætta

Derrick Lewis

Þungavigtarmaðurinn Derrick Lewis sagðist líklegast vera hættur eftir tapið gegn Mark Hunt á dögunum. Í The MMA Hour í gær lýsti hann því yfir að hann ætlaði sér að halda áfram þegar hann hefur jafnað sig á bakmeiðslum sínum.

Derrick Lewis tapaði fyrir Mark Hunt eftir tæknilegt rothögg í 4. lotu fyrr í mánuðinum. Þar með lauk sex bardaga sigurgöngu hans en Lewis virtist hreinlega eiga erfitt með að standa í bardaganum gegn Hunt. Lewis hefur átt við bakmeiðsli að stríða síðan 2011 og sagði hann í gær að hann hefði varla getað hreyft sig sökum sársauka í bardaganum gegn Hunt. Hann var því bara feginn þegar dómarinn Marc Goddard stöðvaði bardagann.

Lewis fer í segulómun á morgun í frekari skoðun. Hann vonast til að sleppa við aðgerð en ætlar að taka sér gott frí áður en hann snýr aftur í búrið. Lewis hefur verið einn af þeim duglegustu í þungavigtinni undanfarin ár en hann barðist sjö bardaga á síðustu 20 mánuðum og var það mikið álag á skrokkinn og heimilislífið. Það er ánægjulegt að hinn 32 ára Lewis ætli sér að halda áfram en hann vonast til að snúa til baka í desember.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply