Þriðji Íslendingurinn til að berjast á FightStar í kvöld var Ingþór Örn Valdimarsson. Bardaginn var jafn og spennandi en Ingþór tapaði eftir tæknilegt rothögg í 2. lotu.
Ingþór Örn Valdimarsson mætti Dawid Panfil í millivigt. Þetta var fyrsti MMA bardagi hans í tíu ár og gekk Ingþór undir tónum XXX Rottweiler, Þér er ekki boðið!
Ingþór var afar rólegur til að byrja með og kýldi Panfil mikið en Ingþór hélt uppi góðri vörn. Ingþór náði þó fellu upp við búrið eftir smá sviptingar og komst ofan á. Ingþór hélt sér ofan á þar til lotan kláraðist.
Í 2. lotu skaut Ingþór í fellu en Panfil endaði ofan á. Ingþór náði þá gullfallegri sópun og endaði ofan í „mount“. Þar varðist Panfil vel og snéri svo stöðunni við. Panfil komst skömmu seinna sjálfur í „mount“ og þar lét hann höggin dynja á Ingþóri þar til dómarinn stöðvaði bardagann.
Ingþór tapaði því eftir tæknilegt rothögg í 2. lotu í jöfnum og skemmtilegum bardaga.
