Gunnar Nelson átti fund með Dana White, forseta UFC, í gær í höfuðstöðvum UFC í Las Vegas. Í viðtali við MMA Fréttir talaði Gunnar um fundinn, bardagann gegn Brandon Thatch og mögulegan bardaga gegn Stephen Thompson.
„Dana var búinn að lofa mér að gefa mér Harley Davidsson hjól. Ég var bara að rukka hann um það,“ sagði Gunnar Nelson um fund sinn með Dana White. Gunnar var eðlilega hæstánægður með gjöfina.
Allt stefnir í að Gunnar berjist á bardagakvöldinu í Dublin í október og er Gunnar spenntur fyrir þeim viðburði. Stephen Thompson gæti verið andstæðingur eins og við greindum frá í gær.
Viðtalið í heild sinni má sjá hér að neðan.
