Thursday, March 28, 2024
HomeForsíðaGunnar Nelson telur að Ponzinibbio hafi viljandi potað í augun á sér

Gunnar Nelson telur að Ponzinibbio hafi viljandi potað í augun á sér

Gunnar Nelson var gestur í The MMA Hour hjá Ariel Helwani í dag. Þar talaði hann um tapið gegn Santiago Ponzinibbio, hans næsta bardaga og sviðakjammann á BSÍ.

Gunnar Nelson var í skemmtilegu viðtali í The MMA Hour í dag. Spjallið fór um víðan völl en byrjuðu spjallið á því að ræða um tapið umdeilda gegn Santiago Ponzinibbio.

Gunnar segir að hann hafi að mestu sett tapið í baksýnisspegilinn þó þetta hafi verið vissulega svekkjandi. Besta leiðin er þó að fá næsta bardaga og vinna hann til að koma tapinu almennilega í burtu.

Gunnar og hans lið afrýjuðu tapinu en Gunnar sagði að hann hefði ekki viljað áfrýja í fyrstu. Hann hafi þó ákveðið að áfrýja til að setja fordæmi fyrir aðra. UFC tók áfrýjunina ekki gilda og stóð tapið en Gunnar telur að Ponzinibbio hafi potað viljandi í augun á sér – sérstaklega síðasta augnpotið.

Gunnar tók sér hvíld frá hörðum æfingum út árið en er nú aftur kominn á fullt. Hann segist ekki vera með staðfestan bardaga en sér fyrir sér að berjast á UFC bardagakvöldinu í London í mars. Darren Till hefur verið nefndur sem mögulegur andstæðingur. Þá var hann einnig til í endurat gegn Santiago Ponzinibbio og var viss um að hann myndi sigra ef þeir myndu mætast aftur.

Að lokum talaði hann um sviðakjammann á BSÍ sem Gunnar segist vera hrifinn af. Þáttinn má horfa á hér að neðan en þátturinn er enn í beinni útsendingu. Gunnar er fyrsti gestur þáttarins.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular