Björn Lúkas Haraldsson er kominn í undanúrslit á Heimsmeistaramóti áhugamanna í MMA. Björn kláraði enn einn bardagann í 1. lotu.
Heimsmeistaramótið fer fram í Barein um þessar mundir og keppir okkar maður í millivgt. Björn Lúkas var í 8-manna úrslitum í dag þar sem hann mætti Stacy Waikato frá Nýja-Sjálandi.
Líkt og Björn Lúkas hefur gert alla vikuna kláraði hann bardagnn í 1. lotu. Waikato þjarmaðu að Birni til að byrja með en Björn skaut í fellu og náði Waikato niður. Fljótlega eftir það komst Björn í „mount“, læsti „triangle“ hengingu og lét sig falla á bakið.
Waikato varðist vel en þá skipti Björn yfir í armlás og kláraði bardagann. Þetta var enn ein frábæra frammistaðan hjá Birni á mótinu. Þrír sigrar á þremur dögum, allt sigrar í 1. lotu.
