Gunnar Nelson sigraði Omari Akhmedov örugglega síðustu helgi eftir “guillotine” hengingu í fyrstu lotu. Eftir bardagann talaði Gunnar um eymsli í hné en heimildir okkar herma að hnéð sé í lagi.
Í bardaganum skullu hnén þeirra saman í einu sparkinu. Gunnar var töluvert bólginn í vinstra hnénu og var Gunnar því sendur í myndatöku eftir að bólgan hafði minnkað. Myndatakan fór fram í morgun og virðist hnéð vera í fínu standi. Þetta reyndist einungis vera mar á brjóski og mun Gunnar jafna sig á nokkrum dögum.
Eins og staðan er í dag eru engin meiðsli sem koma í veg fyrir að Gunnar verði á Dublin bardagakvöldinu í júlí og nú einungis spurning hvort að UFC bóki bardaga fyrir hann í júlí.
![Pinterest](https://pinterest.com/pin/create/button/?url=https://mmafrettir.is/hned-gunnari-lagi/&media=https://mmafrettir.is/wp-content/uploads/2014/03/IMG_0046.jpg&description=Gunnar Nelson sigraði Omari Akhmedov örugglega síðustu helgi eftir "guillotine" hengingu í fyrstu lotu. Eftir bardagann talaði Gunnar um eymsli í hné en heimildir okkar herma að hnéð sé í lagi.){kind=link}
Glæsilegt
Það væri óskandi að hann fengi bardaga í Dublin í júlí! Held að maður verði að drífa sig út aftur fyrst þetta endaði svona vel og svo við tölum nú ekki um stemminguna sem var í London!