Friday, March 29, 2024
HomeErlentJoanna Jedrzejczyk mætir Jessicu Andrade í maí

Joanna Jedrzejczyk mætir Jessicu Andrade í maí

UFC hefur staðfest næsta titilbardaga Joanna Jedrzejczyk. Sú pólska mætir þá Jessicu Andrade á UFC 211 þann 13. maí.

UFC 211 fer fram í Dallas og stefnir allt í gott kvöld. Í aðalbardaga kvöldsins mætast þeir Stipe Miocic og Junior dos Santos um þungavigtarbeltið.

Nú hefur annar titilbardagi bæst við þar sem strávigtarmeistarinn Jedrzejczyk mun verja titilinn sinn í fimmta sinn. Andstæðingur hennar, Jessica Andrade, er 3-0 eftir að hún færði sig niður í strávigtina. Síðast sáum við Andrade vinna Angelu Hill á UFC 208 í skemmtilegum bardaga.

Joanna Jedrzejczyk er ósigruð í MMA og unnið andstæðinga á borð við Karolinu Kowalkiewicz, Claudiu Gadelha, Valeríe Létourneau, Carla Esparza og Jessicu Penne.

Bardaginn verður næstsíðasti bardagi kvöldsins.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular