0

Johny Hendricks mætir Paulo Borrachinha á UFC 217

Screen Shot 2017-06-26 at 14.57.25

Ævintýri Johny Hendricks í millivigtinni heldur áfram þann 4. nóvember í New York. Hendricks mætir þá Paulo Borrachinha á UFC 217 í Madison Square Garden.

Ferill fyrrum veltivigtarmeistarans Johny Hendricks er í frjálsu falli en hann hefur tapað fimm af síðust sjö bardögum sínum. Hann færði sig upp í millivigt á þessu ári og komst aftur á sigurbraut með sigri á Hector Lombard.

Allt gekk þó á afturfótunum þegar hann mætti Tim Boetsch í júní. Hendricks mistókst að ná millivigtartakmarkinu og tapaði eftir rothögg í 2. lotu.

Hann mætir Paulo Borrachinha í nóvember en Borrachinha er 10-0 á MMA ferlinum og hefur klárað báða bardaga sína í UFC. Nú verður Hendricks notaður til að byggja upp nafn Borrachinha og verður áhugavert að sjá hvar sá brasilíski stendur í millivigtinni á þessu stigi ferilsins.

Þetta er fyrsti bardaginn sem staðfestur hefur verið á UFC 217 en frá þessu greinir brasilíski vefurinn Combate. Þetta verður önnur heimsókn UFC í Madison Square Garden og má búast við mikilli bardagaveislu þann 4. nóvember.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply