0

Joshua rotaði Klitschko í rosalegum bardaga

joshua vs. klitschko

Anthony Joshua sigraði Wladimir Klitschko með tæknilegu rothöggi í 11. lotu fyrr í kvöld í rosalegum boxbardaga. Bardaginn var einn besti þungavigtarbardagi sögunnar.

90.000 áhorfendur á Wembley Stadium urðu svo sannarlega ekki fyrir vonbrigðum í kvöld. Mikil spenna ríkti fyrir bardaganum og er óhætt að fullyrða að bardaginn hafi staðið undir væntingum.

Fyrstu tvær loturnar voru fremur rólegar en það dró heldur betur til tíðinda í 5. lotu þegar Joshua kýldi Klitschko niður.

Joshua virtist vera að þreytast og snéri Klitschko taflinu sér í vil og kýldi Joshua niður í 6. lotu. Þetta var í fyrsta sinn á ferlinum sem Joshua er kýldur niður.

Fyrir bardagann hafði Joshua aldrei farið lengra en sjöundu lotu. Um tíma virtist hann vera búinn á því en honum tókst jafna sig vel og sýndi hvers vegna menn eru á því að hann sé næsta stórstjarnan í boxinu.

11. og næstsíðasta lotan var rosaleg. Joshua kýldi Klitschko niður með upphöggi en sá gamli náði að standa upp. Eftir það reyndist Joshua vera of öflugur fyrir hinn 41 árs gamla Klitschko og stöðvaði dómarinn bardagann eftir 2:25 í 11. lotu. Tæknileg rothögg fyrir Joshua og fyrsta tap Klitschko eftir rothögg í 13 ár.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply