Fyrsti dagurinn á Evrópumótinu í MMA fer fram í dag. Mótið fer fram í Prag og keppa þeir Birgir Örn og Magnús Ingi í dag.
Birgir Örn Tómasson keppir í öðrum bardaga dagsins en hann mætir Attila Cziffra frá Ungverjalandi. Magnús Ingi Ingvarsson á bardaga númer sex í dag en hann mætir Riyaad Pandy frá Suður-Afríku.
Báðir keppa þeir í veltivigt en það er eini flokkurinn sem byrjar í dag. Aðrir flokkar byrja síðar í vikunni en veltivigtin er sennilega stærsti flokkurinn. Bjarki Þór Pálsson tók gullið í fyrra í veltivigtinni eftir fimm bardaga á fjórum dögum.
