Magnús Ingi Ingvarsson er dottinn úr leik á Evrópumótinu í MMA. Magnús mætti Ítala og tapaði eftir klofna dómaraákvörðun í jöfnum bardaga.
Þetta var fjórði bardagi Magnúsar á fjórum dögum en þetta var í fyrsta sinn sem Magnús fór allar þrjár loturnar á mótinu. Bardaginn var harður og jafn þar sem báðir skiptust á að ná fellum.
#2016IMMAFEuros Result: Bout 16 – Welterweight Gianluigi Ventoruzzo (Italy) def. Magnus Ingvarsson (Iceland) via Decision (Split)
— MyNextMatch (@mynextmatch) November 25, 2016
Að lokum dæmdu dómararnir Ítalanum Gianluigi Ventoruzzo sigur og er hann kominn í úrslitin í veltivigtinni. Magnús getur þó vel við unað eftir frábæra frammistöðu á mótinu og kemur reynslunni ríkari heim.
