UFC goðsögnin Matt Hughes lenti í alvarlegu bílslysi síðasta sumar. Hughes var í alvarlegri lífshættu en tókst að berjast fyrir lífi sínu. Hann mætti á sinn fyrsta UFC viðburð á sunnudaginn eftir slysið.
Á UFC bardagakvöldinu í St. Louis á sunnudaginn var Matt Hughes heiðraður. Hughes býr ekki langt frá St. Louis og gekk að búrinu þegar aðalhluti bardagakvöldsins var að hefjast. Gamla inngöngulagið hans „A Country Boy Can Survive“ með Hank Williams Jr. glumdi í salnum og var honum gríðarlega vel fagnað. Hughes hefur náð miklum árangri í endurhæfingu sinni á undanförnum mánuðum.
