Sunna Rannveig Davíðsdóttir vann sinn annan bardaga í Invicta bardagasamtökunum um síðustu helgi. Sunna segist vilja fara aftur í búrið sem fyrst.
Bardaginn um síðustu helgi var jafn og harður en Sunna sigraði eftir dómaraákvörðun. Í viðtali eftir bardagann kvaðst Sunna vilja fá bardaga á næsta bardagakvöldi Invicta.
Invicta FC 23 fer fram þann 20. maí í Kansas rétt eins og Invicta 22 um síðustu helgi. Enginn bardagi hefur verið staðfestur á kvöldið en Sunna sagði eftir bardagann að hún væri hungruð og vildi fá að berjast aftur sem allra fyrst.
