Pólski þungavigtarmaðurinn Izu Ugonoh steinrotaði Will Quarrie um helgina. Óhætt er að segja að þetta sé eitt af rothöggum ársins í boxinu.
Bardaginn fór fram á heimavelli Nýsjálendingsins Quarrie. Í 2. lotu smellhitti Ugonoh með beinni hægri sem felldi Quarrie hálfan út úr hringnum. Þetta var 10. sigur Ugonoh með rothöggi en hann hefur sigrað alla sína 13 bardaga á ferlinum.
