Tai Tuivasa sigraði Cyril Asker á UFC 221 í gær. Tuivasa virtist vera strax tilbúinn í partý eftir bardagann og hreinlega gat ekki beðið eftir fyrsta bjórnum eftir sigurinn.
Tuivasa fór létt með Cyril Asker í gær fyrir framan landa sína í Ástralíu í nótt. Það tók hann rúmar tvær mínútur að klára bardagann og fékk hann góðan stuðning frá áhorfendum.
Á leið sinni úr búrinu og aftur í búningsklefann stoppaði hann hjá áhorfendum. Þar hellti hann í sig einum bjór en í stað þess að drekka hann úr glasinu drakk hann bjórinn úr skó áhorfenda. Það er sumar í Ástralíu og því líklegt að skórinn hafi verið vel sveittur.
Tai Tuivasa chugging beer out of a shoe? Tai Tuivasa chugging beer out of a shoe. pic.twitter.com/PvQJcpCXuk
— Ben Fowlkes (@benfowlkesMMA) February 11, 2018
Tuivasa lét hafa eftir sér fyrir bardagann að hann ætlaði ekki að eyða of miklum tíma í búrinu enda vildi hann drífa sig á barinn. Tuivasa stóð við það og þurfti ekki einu sinni að fara á barinn til að fá fyrsta drykkinn eftir bardagann.
