World Series of Fighting hélt í gær sitt 23. bardagakvöld. Tveir titilbardagar voru á dagskrá og mátti sjá mögnuð tilþrif.
Justin Gaethje mætti Luiz Palomino í annað sinn um léttvigtarbelti WSOF. Bardaginn í gær var frábær rétt eins og fyrri bardagi þeirra og fór Gaethje með sigur af hólmi eftir rothögg í 2. lotu.
Fyrrum ofurhetjan, Pheonix Jones, hefur endurvakið MMA feril sinn og náði góðum sigri í gær. Jones, sem heitir réttu nafni Ben Fodor, varð heimsfrægur er hann barðist gegn glæpum í Seattle í ofurhetjubúning. Honum tókst að sigra Roberto Yong með þessu óvenjulega „leg scissor“ uppgjafartaki.
Brian Foster sigraði LaRue Burley með þessu svakalega rothöggi eftir aðeins 32 sekúndur í fyrstu lotu.
Joey Miolla steinrotaði Randy Steinke eftir hnéspark í 2. lotu. Hlustiði á hljóðið!
Vagab Vagabov reyndi að herma eftir Rousimar Palhares í gær þegar hann hélt áfram að kýla andstæðing sinn, Brian Grinnell, eftir að dómarinn stöðvaði bardagann. Hann mun að öllum líkindum fá refsingu eftir þessa fáranlegu hegðun.
