0

Robbie Lawler mætir Rafael dos Anjos í desember

rda lawler

UFC var að staðfesta hörku bardaga í veltivigtinni. Fyrrum veltivigtarmeistarinn Robbie Lawler mætir fyrrum léttvigtarmeistaranum Rafael dos Anjos.

Bardaginn verður aðalbardaginn á UFC bardagakvöldinu í Winnipeg þann 16. desember. Hér eru tveir fyrrum meistarar að takast á.

Robbie Lawler tapaði veltivigtartitli sínum til Tyron Woodley í júlí 2016. Hann snéri aftur eftir eins árs hlé í júlí í fyrra þegar hann sigraði Donald Cerrone í frábærum bardaga.

Rafael dos Anjos hefur átt góðu gengi að fagna eftir að hann færði sig upp í veltivigt eftir langa veru í léttvigt. Dos Anjos byrjaði á að sigra Tarec Saffiedine í júní og fór svo létt með Neil Magny í september.

Dos Anjos var léttvigtarmeistari UFC um skeið en eftir tvö töp í röð í léttvigtinni fór hann upp í veltivigtina. Dos Anjos hefur áður lýst hræðilegum niðurskurði sínum niður í léttvigt og er kominn til að vera í veltivigtinni.

Líklegt þykir að sigurvegarinn hér fái næsta titilbardaga í veltivigtinni. Meistarinn Tyron Woodley er nú að jafna sig á meiðslum og ólíklegt að hann berjist aftur á þessu ári.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply