Nýtt Tappvarp! Í 34. þætti Tappvarpsins gerum við upp UFC 211 og förum yfir stöðu mála hjá Michael Bisping og Georges St. Pierre.
UFC 211 var mjög skemmtilegt bardagakvöld og fórum við yfir það helsta sem gekk á þar. Mikil óvissa ríkir um næstu skref hjá Michael Bisping og Georges St. Pierre eftir að bardagi þeirra var blásinn af. Báðir vilja ennþá berjast en UFC nennir ekki að bíða eftir GSP. Bisping segist þó vera meiddur og mun ekki geta barist fyrr en í haust.
Að lokum gátum við ekki slept því að tala um andstæðing Gunnars Nelson, Santiago Ponzinibbio. Gunnar mætir Argentínumanninum í aðalbardaganum á UFC bardagakvöldinu í Skotlandi þann 16. júlí.
Eins og venjulega var þátturinn tekinn upp í stúdíóinu hjá Baklandi og þökkum við þeim kærlega fyrir afnotið.
