Þrír Íslendingar keppa á stóru boxmóti í Englandi um helgina. Keppni hefst í dag en mótið stendur yfir alla helgina.
522 keppendur eru skráðir á Haringey Box Cup mótið sem fer fram í London um helgina. Þar á meðal eru þeir Þórður Bjarkar, Jafet Örn Þorsteinsson og Kristján Kristjánsson úr VBC MMA.
Mótið fer fram í Alexandra Palace í London og er stærsta boxmót áhugamanna í Evrópu. Margir færir boxarar hafa tekið þátt á mótinu í gegnum tíðina en þungavigtarstjarnan Anthony Joshua vann mótið tvisvar þegar hann var áhugamaður.
Strákarnir hefja leik í dag en Þórður keppir í -64 kg flokki, Jafet í -75 kg flokki og Kristján í -91 kg flokki. Mótið hefst kl 16 í dag og luku strákarnir vigtun og læknisskoðun í hádeginu í dag.
Strákarnir munu vera með Snapchat MMA Frétta og sýna aðeins á bakvið tjöldin á mótinu.
Snapchat: mmafrettir
