Annað bardagakvöldið af þremur í þessari viku var að klárast. Í aðalbardaga kvöldsins mættust þeir Frankie Edgar og Chad Mendes.
Ryan Hall varð sigurvegari 22. seríu The Ultimate Fighter með sigri á Artem Lobov. Frankie Edgar rotaði Chad Mendes í fyrstu lotu í aðalbardaga kvöldsins. Þetta var fimmti sigur hans í röð og þar af hefur hann klárað þrjá bardaga.
Fjaðurvigt: Frankie Edgar sigraði Chad Mendes með rothöggi eftir 2:28 í fyrstu lotu. Léttvigt: Ryan Hall sigraði Artem Lobov eftir einróma dómaraákvörðun. Léttvigt: Tony Ferguson sigraði Edson Barboza með D’Arce hengingu eftir 2:54 í 2. lotu. Léttvigt: Evan Dunham sigraði Joe Lauzon eftir einróma dómaraákvörðun. Fjaðurvigt: Tatsuya Kawajiri sigraði Jason Knight eftir einróma dómaraákvörðun. Léttvigt: Julian Erosa sigraði Marcin Wrzosek eftir einrómara dómaraákvörðun.
Upphitunarbardagar kvöldsins:
Þungavigt: Gabriel Gonzaga sigraði Konstantin Erokhin eftir einróma dómaraákvörðun. Veltivigt: Ryan LaFlare sigraði Mike Pierce eftir einróma dómaraákvörðun. Fluguvigt: Geane Herrera sigraði Joby Sanchez með tæknilegu rothöggi eftir 4:28 í 2. lotu. Léttvigt: Chris Gruetzemacher sigraði Abner Lloveras eftir einróma dómaraákvörðun.