UFC var með ansi gott bardagakvöld í London í kvöld. Mögnuð tilþrif litu dagsins ljós á kvöldinu en hér má sjá öll úrslit kvöldsins.
Í aðalbardaga kvöldsins mættust þeir Alexander Volkov og Fabricio Werdum í þungavigt. Werdum byrjaði bardagann betur og náði nokkrum fellum. Volkov komst betur inn í bardagann þegar á leið og varðist vel á gólfinu. Í 4. lotu kýldi hann Werdum niður og fylgdi eftir með hnitmiðuðu höggi í gólfinu.
Tveir bardagar í kvöld kláruðust þegar 1 sekúnda var eftir af bardaganum. Paul Craig tókst á ótrúlegan hátt að klára Magomed Ankalaev með „triangle“ hengingu þegar ein sekúnda var eftir af bardaganum. Craig var að tapa bardaganum á stigum og bjargaði sér fyrir horn með hengingunni. Þá tókst Leon Edwards að klára Peter Sobotta með tæknilegu rothöggi þegar ein sekúnda var eftir af bardaganum en Edwards var með sigurinn í sínum höndum þegar bardaginn var stöðvaður.
Bardagi Jan Blachowicz og Jimi Manuwa var valinn besti bardagi kvöldsins og fengu þeir 50.000 dollara bónus og þá fengu þeir Alexander Volkov og Paul Craig sömuleiðis 50.000 dollara frammistöðubónus. Upphitunarbardagar kvöldsins voru frábærir en öll úrslit kvöldsins má sjá hér að neðan.
Aðalhluti bardagakvöldsins:
Þungavigt: Alexander Volkov sigraði Fabrício Werdum með rothöggi eftir 1:38 í 4. lotu.
Léttþungavigt: Jan Błachowicz sigraði Jimi Manuwa eftir dómaraákvörðun (29-28, 29-28, 30-27).
Bantamvigt: Tom Duquesnoy sigraði Terrion Ware eftir dómaraákvörðun (29-28, 29-28, 30-27).
Veltivigt: Leon Edwards sigraði Peter Sobotta með tæknilegu rothöggi eftir 4:59 í 3. lotu.
UFC Fight Pass upphitunarbardagar:
Millivigt: Charles Byrd sigraði John Phillips eftir uppgjafartak (rear-naked choke) eftir 3:58 í 1. lotu.
Veltivigt: Danny Roberts sigraði Oliver Enkamp með rothöggi eftir 2:12 í 1. lotu.
Fjaðurvigt: Danny Henry sigraði Hakeem Dawodu eftir uppgjafartak (guillotine choke) eftir 39 sekúndur 1. lotu.
Léttþungavigt: Paul Craig sigraði Magomed Ankalaev eftir uppgjafartak (triangle choke) eftir 4:59 í 3. lotu.
Léttvigt: Kajan Johnson sigraði Stevie Ray eftir klofna dómaraákvörðun (29-28, 28-29, 29-28).
Þungavigt: Dmitriy Sosnovskiy sigraði Mark Godbeer eftir uppgjafartak (rear-naked choke) eftir 4:29 í 2. lotu.
