Þriðja hnefaleikamót HFK/VBC MMA fór fram nú síðastliðinn laugardag og margir frábærir bardagar litu dagsins ljós. 11 viðureignir fóru fram en fimm grænlenskir hnefaleikakappar tóku þátt á mótinu og stóðu þeir sig allir með prýði.
Fyrirhugað var að fylgja nýjum reglum frá AIBA þar sem 19 ára og eldri kepptu án höfuðhlífa. Á stjórnarfundi ÍSÍ fengust hins vegar nýju reglurnar ekki samþykktar en þeir báru það fyrir sig að þeir vildu fá álit annarra Norðurlandaþjóða og álit menntamálaráðuneytisins – þrátt fyrir að reglurnar séu í gildi hjá öðrum Norðurlandaþjóðum.
Á mótinu kom upp athyglisvert mál þegar Þórður Bjarkar Árelíusson, sem var valinn boxari kvöldsins á seinasta móti HFK/VBC, tókst á við Grænlending að nafni Angulluk Thomassen. Bardaginn var gríðarlega einhliða þar sem Þórður var einfaldlega klassa fyrir ofan Angulluk. Þórður reyndi að skemmta áhorfendum og minntu taktarnir mikið á Prince Naseem Hamed. Hann setti til að mynda hendur fyrir aftan bak og sló svo og brosti þegar andstæðingurinn hitti ekki. Dómari kvöldsins, Ólafur Guðlaugsson sem er einnig formaður Hnefaleikanefndar ÍSÍ, var ekki par sáttur með framkomu Þórðar. Dómarinn stöðvaði bardagann í gríð og erg þar sem hann gaf Þórði viðvararnir fyrir fíflalætin eða fyrir að vera með góminn lausan upp í sér sem hann taldi vera viljandi.
Bardaginn endaði í annarri lotu eftir tæknilegt rothögg Þórði í vil. Eftir bardagann voru margir ósáttir með Þórð fyrir að sýna Angulluk ekki virðingu þó hann hafi sýnt honum virðingu fyrir og eftir bardagann. Angulluk endaði vel bólginn og lemstraður en eftir að mótslæknirinn hafði skoðað Angulluk taldi hann ekki þörf frekari aðhlynningu á sjúkrahúsi.
Sýningarstælar (e. ehowboating) hefur verið þekkt lengi í bardagaíþróttum og hafa margir af þeim bestu verið þekktir fyrir stæla. Það eru þó aðrar reglur í atvinnumannabardögum og geta hnefaleikakappar þar komist upp með meira. Í áhugamannabardögum hefur dómarinn rétt til þess að stoppa bardagann ef annar keppandinn er með sýningarstæla.
Eru sýningarstælar eitthvað sem áhorfendum finnst skemmtilegt að sjá eða á það ekki heima í boxi?
Öll úrslit kvöldsins má sjá hér að neðan, nafn sigurvegara eru rauðlituð.
| Róbert Bryde | HFK | 62kg | VS | Aninguaq Eigaard | Nuuk | 60kg | ||
| Gísli Kvaran | HAK | 69kg | VS | Muku Jessen | Nuuk | 69kg | ||
| Marinó Elí | HAK | 69kg | VS | Kristján TNT Ingvasson | Æsir | 69kg | ||
| Árni Geir Valgeirsson | HFH | 81kg | VS | Stefán Örn Hannesson | Æsir | 81kg | ||
| Maksymilian Sobiecki | HFK | 64kg | VS | Pavel Uscilowski | HR | 64kg | ||
| Jafet Örn Þorsteinsson | HFK | 75kg | VS | Jakob Möller | Nuuk | 75kg | ||
| Margrét Þorsteinsdóttir | HFK | VS | Ikitannguaq Jensen | Nuuk | ||||
| Haukur Borg | HFK | 81kg | VS | Tómas Ólafsson | HFR | 81kg | ||
| Karen Ósk Björnsdóttir | HFK | 64kg | VS | Erla Guðrún Hjartardóttir | HR | 64kg | ||
| Birgir Þór Stefánsson | HFK | 81kg | VS | Magnús Snæbjörnsson | Æsir | 81kg | ||
| Þórður Bjarkar Árelíusson | HFK | 69kg | VS | Angulluk Thomassen | Nuuk | 69kg |
Hvað er að gerast !?
“Í áhugamannabardögum hefur dómarinn rétt til þess að stoppa bardagann ef annar keppandinn er með sýningarstæla”
-Afhverju?
Dómarinn hefur greinilega líka rétt á að búa til reglur á staðnum og gleyma þeim svo í næsta bardaga sem hann dæmir.
Annað, Mig grunar að “sýningarstælar” séu eitthvað sem á eftir að fara vaxandi í áhugamanna boxi, sérstaklega eftir 10point scoring systemið tók við. Menn sem eru “showboating” líta þá kannski meira sannfærandi út í augum dómara.
Hvort það sé smekklegt eða ekki fer bara eftir stað og stund, en maður þarf svo sem ekki að vera mikill smekksmaður til að keppa í hnefaleikum þó það sé auðvitað oft æskilegt eins og í öllu öðru 🙂
Hvað er að gerast !?
“Í áhugamannabardögum hefur dómarinn rétt til þess að stoppa bardagann ef annar keppandinn er með sýningarstæla”
-Afhverju?
Dómarinn hefur greinilega líka rétt á að búa til reglur á staðnum og gleyma þeim svo í næsta bardaga sem hann dæmir.
Annað, Mig grunar að “sýningarstælar” séu eitthvað sem á eftir að fara vaxandi í áhugamanna boxi, sérstaklega eftir 10point scoring systemið tók við. Menn sem eru “showboating” líta þá kannski meira sannfærandi út í augum dómara.
Hvort það sé smekklegt eða ekki fer bara eftir stað og stund, en maður þarf svo sem ekki að vera mikill smekksmaður til að keppa í hnefaleikum þó það sé auðvitað oft æskilegt eins og í öllu öðru 🙂