Vitor Belfort fær Nate Marquardt í kveðjubardaga sínum í UFC

Vitor Belfort mun berjast sinn síðasta bardaga í UFC nú í júní. Belfort mætir Nate Marquardt á UFC 212 í Brasilíu.

Vitor Belfort barðist sinn fyrsta bardaga í UFC árið 1997 á UFC 12. Belfort hefur nú greint frá því að bardagi sinn á UFC 212 verði hans síðasti í UFC.

Comecei minha jornada há 20 anos, no UFC 12 e exatos 200 eventos depois no dia 3 de Junho, estarei fazendo minha última luta na organização no UFC 212 na minha cidade natal, Rio de Janeiro. Conto com a torcida de todos vcs na arena para que eu tenha a oportunidade de agradecer pessoalmente a cada de vcs que estiveram sempre comigo. Vamos juntos!! _____________________________I started my UFC journey 20 years ago, at UFC 12 and exactly 200 events after at June third, I will be making my last appearance for the organization at my hometown, Rio de Janeiro. I am expecting you at the arena so I can say thank you in person to you all that have been with me along this way. Always together!!

A post shared by Vitor “The Phenom” Belfort (@vitorbelfort) on Apr 30, 2017 at 10:08am PDT

„UFC ferðalagið mitt hófst fyrir 20 árum síðan á UFC 12 og nákvæmlega 200 viðburðum síðar þann 3. júní mun ég berjast minn síðasta bardaga fyrir bardagasamtökin í heimabæ mínum, Rio de Janeiro,“ segir Belfort á Instagram.

Bardaginn verður hans 25. í UFC og hans fertugasti í MMA. Hinn fertugi Belfort vill berjast í einhvers konar goðsagnardeild eða „old boys“ deild gegn jafnöldrum sínum og því ekki víst að þetta verði endilega síðasti bardaginn hans á ferlinum.

Belfort hefur átt ótrúlegan feril í UFC og á metið yfir flest rothögg í sögu UFC eða 12 talsins. Hann hefur þó átt erfitt uppdráttar að undanförnu og tapað fjórum af síðustu fimm bardögum sínum. Síðast sáum við hann rotast gegn Kelvin Gastelum í mars.

UFC 212 fer fram þann 3. júní en þeir Jose Aldo og Max Holloway mætast í aðalbardaga kvöldsins.