Albert Tumenov, sem Gunnar Nelson sigraði í maí, mun mæta Leon Edwards. Bardaginn fer fram á UFC 204 í Manchester þann 8. október.
Þetta verður fyrsti bardagi Tumenov eftir tapið gegn Gunnari í maí en Gunnar sigraði Tumenov með hengingu í 2. lotu. Þetta var annað tap Tumenov í UFC en fyrir bardagann gegn Gunnari var hann með fimm sigra í röð.
Leon Edwards barðist einnig á UFC bardagakvöldinu í Rotterdam líkt og Tumenov. Þar sigraði hann Dominic Waters í skemmtilegum bardaga. Þess má geta að yngri bróðir hans, Fabian Edwards, barðist við Hrólf Ólafsson í áhugamannabardaga í apríl.
UFC 204 verður stórt bardagakvöld í Evrópu en í aðalbardaga kvöldsins mætast þeir Michael Bisping og Dan Henderson um millivigtartitilinn.
