0

Anthony Pettis semur við PFL

Anthony Pettis var ekki lengi atvinnulaus. Eftir að hafa yfirgefið UFC hefur Pettis nú samið við PFL.

Anthony Pettis sigraði Alex Morono um síðustu helgi og var það síðasti bardaginn hans á samningnum við UFC. Pettis tilkynnti síðan fyrr í vikunni að hann hefði ákveðið að yfirgefa UFC. Aðeins degi síðar var hann búinn að semja við Professional Fighters League, PFL.

Pettis mun berjast í léttvigtarmóti PFL á næsta ári en Natan Schulte er ríkjandi meistari þar.

PFL hélt ekki eitt bardagakvöld á þessu ári vegna kórónuveirunnar en setur stefnuna á gott ár 2021. PFL hefur nýlega samið við Fabricio Werdum og Clarissa Shields, heimsmeistara í boxi, og nú hefur Pettis bæst í hópinn.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.