0

Anthony Pettis yfirgefur UFC

Anthony Pettis hefur ákveðið að semja ekki aftur við UFC. Pettis ætlar að söðla um og er nú laus allra mála hjá UFC.

Anthony Pettis sigraði Alex Morono á UFC bardagakvöldinu um síðustu helgi. Það var síðasti bardaginn á samningnum hans við UFC og ætlar hann ekki að semja aftur við UFC.

Pettis þakkaði UFC kærlega fyrir árin en hann var léttvigtarmeistari UFC frá 2013-2015. Þar áður var hann í WEC (sem UFC átti) og hefur hann því lengi verið í UFC fjölskyldunni.

Pettis segist ekki vera hættur en léttvigtarmeistari Bellator hefur þegar boðið hann velkomin í Bellator.

Pettis er 33 ára gamall og verður áhugavert að sjá hver næstu skref hans verða.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.