Það er afskaplega lítið um íþróttir í heiminum í dag en Cage Warriors ætla að halda sínu striki. Cage Warriors verða með bardaga í Manchester í kvöld fyrir luktum dyrum.
Cage Warriors 113 átti upphaflega að fara fram í London – daginn fyrir UFC bardagakvöldið í London. Bardagakvöldið átti að fara fram í O2 höllinni í London en henni hefur nú verið lokað vegna kórónaveirunnar.
Cage Warriors ákvað því að færa bardagakvöldið til Manchester og verða bardagarnir á sínum stað.
Darren Stewart átti upphaflega að mæta Marvin Vettori á UFC bardagakvöldinu í London og Bartos Fabinski átti að mæta Shavkat Rakhmonov á sama kvöldi. Þar sem Vettori og Rakhmonov komust ekki til Englands fengu þeir Stewart og Fabinski að berjast við hvorn annan á Cage Warriors kvöldinu.
Mason Jones og Joe McColcan mætast um lausan titil í léttvigt en bardagarnir verða sýndir á Fight Pass rás UFC. Upphitunarbardagarnir hefjast kl. 18:30 en aðalhluti bardagakvöldsins hefst kl. 21:00.
Aðalhluti bardagakvöldsins (hefst kl. 21:00)
Millivigt: Darren Stewart gegn Bartosz Fabinski
Titilbardagi í léttvigt: Mason Jones gegn Joe McColgan
Veltivigt: Nathan Jones gegn David Bear
Léttvigt: Paddy Pimblett gegn Decky Dalton
Upphitunarbardagar (hefjast kl. 18:30)
Fjaðurvigt: Perry Goodwin gegn Steve Aimable
Fluguvigt: Darren O’Gorman gegn Coner Hignett
Fluguvigt: Adam Amarasinghe gegn Jake Bond
Millivigt: Matthew Bonner gegn. Jamie Richardson
Fjaðurvigt: Kris Edwards gegn James Hendin
Léttvigt: Aidan Stephen gegn. Jack Collins
Fjaðurvigt: Lewis Monarch gegn Kingsley Crawford
