Chad Mendes tapaði um helgina fyrir Alexander Volkanovski. Chad Mendes er sagður vera hættur eftir tapið.
Þetta segir blaðamaðurinn Farah Hannoun á Twitter. Mendes hefur sjálfur ekkert sagt hvort hann sé formlega hættur en fleiri miðlar hafa greint frá.
I can confirm that Chad Mendes has indeed decided to retire. Pretty surprised to hear this. He’s still a top level fighter imo. All the best to Chad in his future endeavors. Aldo/Mendes 2 is one of my all time fave fights. He’s been part of some great moments in this sport. ????
— Farah Hannoun (@Farah_Hannoun) December 30, 2018
Chad Mendes has hung up the gloves following #UFC232 I’m told that the plan tonight, win or lose, was to retire. Tough way for him to go out, but a hell of a career for Chad. Absolutely one of the best to never win a belt.
— 2on4 Sports (@2on4Sports) December 30, 2018
Mendes tapaði fyrir Alexander Volkanovski með tæknilegu rothöggi í 2. lotu. Bardaginn var frábær skemmtun og fengu þeir báðir bónus fyrir besta bardaga kvöldsins.
Mendes er bara 33 ára gamall en hann sagði fyrir bardagann að hann vildi ekki vera einhver hliðvörður í UFC. Mendes var enn einn af þeim bestu í fjaðurvigtinni en taldi sig kannski vera of langt frá titilbardaga í fjaðurvigtinni til að halda áfram.
Mendes fékk tveggja ára bann eftir fall á lyfjaprófi en snéri aftur í búrið í sumar. Þá kláraði hann Myles Jury og leit ansi vel út. Hann tapaði svo fyrir Volkanovski um helgina og ætlar greinilega ekki að halda áfram.
Mendes átti mjög góðan feril og mætti mörgum af þeim bestu. Hann tapaði tvisvar fyrir Jose Aldo og var rotaður af Frankie Edgar og Conor McGregor. Seinni bardagi hans gegn Aldo var einn sá besti í sögu fjaðurvigtarinnar og var bardaginn gegn Conor einnig mjög skemmtilegur.
Mendes er með nóg fyrir stafni en hann er með fyrirtæki í veiðibransanum. Mendes er leiðsögumaður í veiðiferðum og hefur alltaf haft mikinn áhuga á skot- og fiskveiðum.
