Tyron Woodley og Stephen Thompson mættust í aðalbardaga kvöldsins á UFC 209 í gær. Dana White, forseti UFC, var ekki sammála niðurstöðu dómaranna.
Tyron Woodley vann eftir meirihluta dómaraákvörðun og heldur því veltivigtarbeltinu. Á blaðamannafundinum eftir bardagann hélt White að Stephen Thompson hefði unnið þrjár lotur og Woodley tvær. Það var hins vegar Woodley sem tók þrjár lotur að mati dómaranna.
„Woodley gerði ekkert í þessum bardaga, nákvæmlega ekkert þar til í síðustu lotunni,“ sagði White um bardagann við Megan Olivi.
