Guðlaugur Þór Einarsson berst á Cage Warriors 99 í Colchester annað kvöld. Guðlaugur mætir þá Ian Garry í millivigt en bardaginn er hluti af upphitunarbardögum kvöldsins.
Guðlaugur Þór (2-0) mætir Ian Garry (5-1) í áhugamannabardaga á laugardagskvöld. Bardaginn fer fram í millivigt (84 kg) en Guðlaugur er vanur að berjast í 77 kg veltivigt.
Cage Warriors 99 er með þónokkra spennandi bardaga á dagskrá. Fimm bardagar eru á aðalhluta bardagakvöldsins og eru þeir bardagar sýndir á Fight Pass rás UFC. Þar má meðal annars sjá Danann Mads Burnell mæta Lukasz Rajewski í fjaðurvigt en Burnell er efnilegur bardagamaður sem var að mála hjá UFC.
Nokkrir áhugamannabardagar eru á dagskrá hjá Cage Warriors á fyrri hluta bardagakvöldsins og eru þeir bardagar sýndir á Facebook síðu Cage Warriors samkvæmt vefsíðu Cage Warriors. Fyrsti bardagi kvöldsins byrjar kl. 17:00 á íslenskum tíma en ekki er vitað hvenær nákvæmlega Guðlaugur berst.
