Gunnar situr nú í 11. sæti styrkleikalista UFC í veltivigtinni. Listinn er uppfærður u.þ.b. 36 klukkustundum eftir hvert bardagakvöld en hann er samansettur af fjölmiðlamönnum víðs vegar um heiminn. Á listanum raða fjölmiðlamenn 15 efstu áskorendunum á eftir meistaranum í hverjum flokki fyrir sig.
Eftir að Rick Story sigraði Tarec Saffiedine eftir dómaraákvörðun um helgina var smá breyting í veltivigtinni. Fyrir bardagann var Saffiedine í 10. sæti styrkleikalistans og Story í því 11. Eftir tap Belgans fellur hann niður um þrjú sæti og tekur Rick Story hans stað í 10. sæti listans. Gunnar og Kelvin Gastelum fara því upp um eitt sæti líkt og Story.
