Birgir Örn Tómasson mætir Stelios Theo á Fightstar bardagakvöldinu á laugardaginn. Birgir hefur klárað báða atvinnubardaga sína með rothöggi og stefnir á þriðja rothöggið á laugardaginn.
Birgir Örn Tómasson (2-0) mætir Stelios Theo (0-0 sem atvinnumaður) í léttvigt. Þetta verður frumraun Theo sem atvinnumaður en hann var áður áhugamanna léttvigtarmeistari Fightstar.
Birgir segir að planið sé alltaf að leita að rothögginu og býst við að Theo muni breytast í glímumann um leið og hann fái fyrsta höggið frá sér.
