Mackenzie Dern er nýr meistari í 115 punda flokki eftir að hafa unnið Virna Jandiroba með einróma dómaraákvörðun í co main event á UFC 321 í Etihad Arena. Dómarar dæmdu bardagann 48–47, 48–47 og 49–46 Dern í vil.
Þetta var í annað sinn sem þær mættust, en Dern hafði einnig haft betur í fyrri viðureign þeirra árið 2020. Titillinn var laus eftir að fyrrverandi meistari Zhang Weili ákvað að flytja sig upp í fluguvigt til að mæta Valentinu Shevchenko á UFC 322.
Virna Jandiroba, sem hafði unnið fimm bardaga í röð og tryggt sér sess í titilbaráttunni, byrjaði bardagann vel og reyndi að nýta glímuna sína til að stjórna hraðanum. Dern sýndi hins vegar mikla framför í striking-tækni og hélt uppi stöðugri pressu í síðari lotunum.
Eftir bardagann sagði Dern að sigurinn væri hápunktur ferils síns:
„Ég vissi alltaf að þetta myndi gerast á réttum tíma. Ég vildi sanna að ég gæti orðið meistari, ekki bara í gólfinu heldur í öllum þáttum bardagans,“ sagði hún með tár í augum.
Dern tók einnig fram að hún og Fabricio Werdum væru, að hennar vitund, einu bardagamennirnir sem hafa unnið titla í UFC, ADCC og IBJJF, sem undirstrikar bakgrunn hennar sem einn fremsta jiu-jitsu keppanda heims.
Tárvot stund fylgdi þegar dóttir hennar, Moa, gekk inn í búrið til að fagna með móður sinni — mynd sem hefur verið mikið deilt á samfélagsmiðlum.
