Thursday, March 28, 2024
HomeErlentMiðasala á bardaga Gunnars í Skotlandi hefst í vikunni

Miðasala á bardaga Gunnars í Skotlandi hefst í vikunni

Gunnar Nelson mætir Santiago Ponzinibbio á UFC bardagakvöldinu í Skotlandi í júlí. Miðasalan á bardagakvöldið hefst á morgun.

Gunnar Nelson verður í aðalbardaga kvöldsins en almenn miðasala hefst á föstudaginn. UFC er hins vegar með tvennar forsölur á undan sem vert er að skoða.

Á morgun, miðvikudaginn 31. maí, hefst sérstök forsala fyrir þá sem er í aðdáendaklúbbi UFC (UFC Fight Club). Hægt er að gerast meðlimur í klúbbnum hér en árgjaldið eru um 10.000 kr (Elite) eða 20.000 (Ultimate).

Fimmtudaginn 1. júní hefst svo forsala fyrir þá sem eru áskrifendur af fréttabréfi UFC (UFC Newsletter). Ekkert kostar að gerast áskrifandi (sjá hér) og ættu allir að gerast áskrifendur sem vilja tryggja sér miða áður en almenn miðasala hefst. Almenna miðasalan hefst svo föstudaginn 2. júní.

Allar miðasölurnar hefjast kl 9 á íslenskum tíma en miðasalan fer fram á vef Ticketmaster. Nánari upplýsingar hjá Ticketmaster má sjá hér. Ódýrustu miðarnir fara á 50 pund (6500 ISK) en þeir dýrustu á 170 pund (22.000 ISK) samkvæmt Ticketmaster.

Bardagakvöldið fer fram í Glasgow sunnudaginn 16. júlí en eftirtaldir bardagar hafa verið staðfestir.

Veltivigt: Gunnar Nelson gegn Santiago Ponzinibbio
Strávigt kvenna: Joanne Calderwood gegn Cynthia Calvillo
Léttvigt: Stevie Ray gegn Paul Felder
Léttþungavigt: Khalil Rountree Jr. gegn Paul Craig
Millivigt: Jack Marshman gegn Ryan Janes
Þungavigt: Mark Godbeer gegn Justin Willis
Veltivigt: Charlie Ward gegn Galore Bofando
Veltivigt: Danny Roberts gegn Bobby Nash
Bantamvigt: Brett Johns gegn Mitch Gagnon
Fluguvigt: Neil Seery gegn Alexandre Pantoja
Bantamvigt kvenna: Lina Lansberg gegn Leslie Smith

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular