Mjölnir Open 13 fór fram í dag í húsakynnum Mjölnis. Þau Halldór Logi Valsson og Karlotta Baldvinsdóttir sigruðu opnu flokkana í ár.
Þetta er í fyrsta sinn sem þau Halldór og Karlotta vinna opnu flokkana og hafa því ný nöfn bæst á bikarinn. Tæplega 60 keppendur voru skráðir til leiks í ár frá fimm félögum.
Margar glæsilegar glímur litu dagsins ljós á mótinu í ár en sigurvegarana í öllum flokkum má sjá hér að neðan. Á vef Smoothcomp má sjá nánar hvernig glímurnar fóru.
Að lokum má nefna að Mjölnir Open unglinga fer fram á morgun.