Colby Covington sigraði Rafael dos Anjos á UFC 225 í gærkvöldi. Covington mætti í viðtal á Fox Sports 1 í gær eftir bardagann þar sem hann og Michael Bisping áttu í orðaskiptum.
Colby Covington er bráðabirgðarmeistari UFC í veltivigtinni eftir sigur eftir dómaraákvörðun á Rafael dos Anjos í nótt. Skömmu eftir bardagann mætti hann í viðtal á Fox Sports 1 til Karyn Bryant, Michael Bisping, Kenny Florian og Michelle Waterson.
Covington sagði að allir þáttastjórnendur hefðu haldið með dos Anjos en Bisping er með sama þjálfara og dos Anjos, Jason Parillo. Bisping og Covington áttu í nokkrum orðaskiptum en besti vinur og æfingafélagi Covington, Jorge Masvidal, hefur átt í útistöðum við Bisping um nokkurt skeið.
Covington ætlar að fara með beltið til Donald Trump, forseta Bandaríkjanna, enda hefur hann lýst því yfir að hann sé mikill aðdáandi hans. Bisping spurði hvort Covington haldi að hann fái í alvörunni að hitta Trump eða hvort þetta sé bara ímyndun og óskhyggja hjá Covington.
Turn sound on. Grab some popcorn. You’re welcome. pic.twitter.com/8q2QxCvXxL
— FOX Sports: UFC (@UFCONFOX) June 10, 2018
