Paige VanZant berst sinn fyrsta bardaga í fluguvigt í kvöld. VanZant barðist sex bardaga í strávigt UFC en sá síðasti reyndist einstaklega erfiður.
Paige VanZant mætti Michelle Waterson í desember 2016. Í myndbandinu hér að neðan lýsir hún erfiðum niðurskurði sínum fyrir 115 punda strávigtina. VanZant lá meðvitundarlaus á baðherbergisgólfinu er hún reyndi að skera af sér síðustu pundin.
VanZant var í engu ástandi til að berjast daginn eftir og endaði á að tapa eftir hengingu í 1. lotu. Frásögn VanZant má sjá hér að neðan.
Paige VanZant mætir Jessica-Rose Clark í næstsíðasta bardaga kvöldsins í kvöld.
